Jahan bhar ki tamam ankhen nichor kar jitna num banay ga | umair najmi

 

Jahan bhar ki tamam ankhen nichor kar jitna num banay ga


yeh kal mila kar bhi hijar ki raat mere giryaa se kam banay ga


mein dasht hon yeh mughalta hai nah shayarana mubaligha hai

marey badan par kahin qadam rakh ke dekh naqsh qadam banay ga


hamara لاشہ bahao warna lehad muqaddas mazaar hogi

yeh surkh karta jalao warna baghavaton ka ilm banay ga


to kyun nah hum paanch saat din tak mazeed sochen bananay se qabal

meri chhutti hiss bta rahi hai yeh rishta tootay ga gham banay ga


mujh aisay logon ka theerh pan qudrati hai so aitraaz kaisa

shadeed num khaak se jo paiker banay ga yeh tay hai khham banay ga


suna sun-hwa hai jahan mein be car kuch nahi hai so jee rahay hain

bana sun-hwa hai yaqeen ke is rayegani se kuch ahem banay ga


ke شاہزادے ki adaten dekh kar sabhi is par mutfiq hain

yeh jon hi haakim bana mehal ka wasee Raqba haram banay ga


mein aik tarteeb se lagaata raha hon ab tak sukut apna

sada ke waqfay nikaal is ko shuru se sun rdhm banay ga


safaid romal jab kabootarr nahi bana to woh شعبدہ‌ baz

palatnay walon se keh raha tha rukko kkhuda ki qisam banay ga
umair najmi

جہان بھر کی تمام آنکھیں نچوڑ کر جتنا نم بنے گا

یہ کل ملا کر بھی ہجر کی رات میرے گریہ سے کم بنے گا

میں دشت ہوں یہ مغالطہ ہے نہ شاعرانہ مبالغہ ہے

مرے بدن پر کہیں قدم رکھ کے دیکھ نقش قدم بنے گا

ہمارا لاشہ بہاؤ ورنہ لحد مقدس مزار ہوگی

یہ سرخ کرتا جلاؤ ورنہ بغاوتوں کا علم بنے گا

تو کیوں نہ ہم پانچ سات دن تک مزید سوچیں بنانے سے قبل

مری چھٹی حس بتا رہی ہے یہ رشتہ ٹوٹے گا غم بنے گا

مجھ ایسے لوگوں کا ٹیڑھ پن قدرتی ہے سو اعتراض کیسا

شدید نم خاک سے جو پیکر بنے گا یہ طے ہے خم بنے گا

سنا ہوا ہے جہاں میں بے کار کچھ نہیں ہے سو جی رہے ہیں

بنا ہوا ہے یقیں کہ اس رائیگانی سے کچھ اہم بنے گا

کہ شاہزادے کی عادتیں دیکھ کر سبھی اس پر متفق ہیں

یہ جوں ہی حاکم بنا محل کا وسیع رقبہ حرم بنے گا

میں ایک ترتیب سے لگاتا رہا ہوں اب تک سکوت اپنا

صدا کے وقفے نکال اس کو شروع سے سن ردھم بنے گا

سفید رومال جب کبوتر نہیں بنا تو وہ شعبدہ‌ باز

پلٹنے والوں سے کہہ رہا تھا رکو خدا کی قسم بنے گا

UMAIR NAJMI